ദയവായി അവഗണിക്കരുതേ...

 

ഈ ആധുനിക ലോകജീവിതത്തിലും താങ്കൾ അറിയേണ്ടതായ ചില പ്രധാനപ്പെട്ട വസ്തുതകൾ താങ്കളുമായി പങ്കുവയ്ക്കുവാൻ ആഗ്രഹിക്കുന്നു.

 ദയവായി അവഗണിക്കരുതേ...

മനുഷ്യരുടെ യഥാർത്ഥ ആത്മീയ അവസ്ഥയെ ബൈബിൾ വിവരിക്കുന്നുണ്ട്. തുടർന്ന് വായിക്കാം. എല്ലാവരും പാപികളാണ് (റോമ 3:23), നിങ്ങൾ ഒരു കൽപ്പന മാത്രം ലംഘിച്ചാലും (യാക്കോ 2:10) പാപത്തിൻ്റെ അനന്തരഫലങ്ങൾ ഗുരുതരമായതാണ്, ഈ ജീവിതത്തിലും (യെശ. 59:2) വരാനിരിക്കുന്നതിലും (റോമ 6:23; വെളി 21:8).

ധാർമ്മികമായും മതപരമായും ഉയർന്ന നിലവാരം ഉള്ള നല്ല മനുഷ്യർ പോലും അവരുടെ യഥാർത്ഥ ആത്മീയ അവസ്ഥയെ കുറിച്ചു അറിയേണ്ടതുണ്ട്! കൊർണേലിയസിൻ്റെ ദൃഷ്ടാന്തം നോക്കുക: "ഭക്തനും തൻ്റെ കുടുംബത്തോടൊപ്പം ദൈവത്തെ ഭയപ്പെടുന്നവനും, ജനങ്ങൾക്ക് ഉദാരമായി ദാനധർമ്മങ്ങൾ നൽകുകയും എപ്പോഴും ദൈവത്തോട് പ്രാർത്ഥിക്കുകയും ചെയ്ത വ്യക്തി." (പ്രവ 10:2) എന്നിട്ടും പത്രോസിനെ വിളിക്കാൻ അവനോട് പറഞ്ഞു, "നീയും നിൻ്റെ കുടുംബവും രക്ഷിക്കപ്പെടുവാനുള്ള വാക്കുകൾ അവൻ നിന്നോട് പറയും." (പ്രവ 11:14)

ഒരു നല്ല, മതവിശ്വാസി ആയതുകൊണ്ടു മാത്രം നിങ്ങൾക്ക് രക്ഷ പ്രാപിപ്പാൻ കഴിയില്ല! വാസ്തവത്തിൽ, പ്രവൃത്തികളുടെ പുസ്തകത്തിൽ വിവരിച്ചിരിക്കുന്ന മാനസാന്തരത്തിൻ്റെ (രക്ഷ) ഉദാഹരണങ്ങളെല്ലാം വളരെ മതവിശ്വാസികളായിരുന്ന ആളുകളായിരുന്നു, എന്നിട്ടും അവർ രക്ഷിക്കപ്പെടാൻ എന്താണ് ചെയ്യേണ്ടതെന്ന് അവർക്ക് പറഞ്ഞുകൊടുത്തു(പ്രവ 2:36-41; 8:26-38 ; 16:13-16).

പാപികളായ നമുക്ക് നമ്മുടെ കുറ്റബോധം സ്വയം ഇല്ലാതാക്കാൻ കഴിയില്ല എന്നതാണ് വസ്തുത. നമുക്ക് ഈ കുറ്റബോധത്തിൽ നിന്ന് ഓടിയൊളിക്കാനോ ഒഴിഞ്ഞിരിക്കുവാനോ കഴിയില്ല. അതിനാൽ നിങ്ങളുടെ സ്വന്തം നന്മയെക്കുറിച്ചുള്ള ആത്മസംതൃപ്തിയാൽ സ്വയം വഞ്ചിക്കപ്പെടരുത്. നാമെല്ലാവരും രക്ഷ ആവശ്യമുള്ള പാപികളാണ്!

പ്രിയരേ, യേശുക്രിസ്തുവിൻ്റെ സുവിശേഷം, സ്നേഹത്തെക്കുറിച്ചുള്ള ഒരു നല്ല വാർത്തയാണ്,

കാരണം...

 "ദൈവസ്നേഹം" തൻ്റെ പുത്രനെ നമുക്കായ് നൽകി! നമുക്ക് നിത്യജീവൻലഭിക്കേണ്ടതിന് പിതാവായ ദൈവം യേശുവിനെ ഭൂമിയിലേയ്ക്കു അയച്ചു (യോഹ 3:16; 1 യോഹ 4:9). മാത്രമല്ല, അവിടുന്നു നമ്മെ സ്നേഹിച്ചതിനാൽ, തൻ്റെ പുത്രനെ നമ്മുടെ പാപങ്ങൾക്കുള്ള ഒരു "പ്രായശ്ചിത്തയാഗം"ആക്കി

(1യോഹ 4:10).

ഇവീടെ ശ്രദ്ധിക്കേണ്ട രണ്ടു പദങ്ങളുണ്ട്, ദൈവസ്നേഹവും ദൈവീകനീതിയും.

ദൈവത്തിൻ്റെ നീതിയെ നിവർത്തിക്കാൻ, പാപത്തിന് ഉചിതമായ യാഗം ആവശ്യമാണ്. ഇത് ഒരു പാപിയായ മനുഷ്യനും പൂർത്തികരിക്കുവാൻ കഴിയില്ല.

ദൈവത്തിൻ്റെ സ്‌നേഹം, അവൻ്റെ പുത്രനെ പാപത്തിനുള്ള തികഞ്ഞ യാഗമായി പ്രദാനം ചെയ്‌തു.

അതുകൊണ്ട് അവൻ്റെ നീതിയും സ്നേഹവും തൃപ്തിപ്പെടുത്താൻ, ദൈവം തൻ്റെ പുത്രനായ യേശുക്രിസ്തുവിലൂടെ, കൃപയോടെ രക്ഷ പ്രദാനം ചെയ്‌തിരിക്കുന്നു. നമുക്ക് സ്വന്തമായി സമ്പാദിക്കാൻ കഴിയാത്തത് ദൈവം നമുക്ക് നൽകി! യോഹന്നാൻ സ്നാപകൻ പറഞ്ഞതുപോലെ, "ഇതാ, ലോകത്തിൻ്റെ പാപം നീക്കുന്ന ദൈവത്തിൻ്റെ കുഞ്ഞാട്!" (യോഹ 1:29)

ദൈവം ഒരുക്കിയ ഈ നന്മ ലഭിക്കുന്നതിന് അനുസരണം ആവശ്യമാണ് എന്നതാണ്. ആ അനുസരണം  നമ്മെ ദൈവമക്കളായി, സ്വർഗീയ സമാധാനം അനുഭവിച്ചുകൊണ്ട് അനുഗ്രഹിക്കപ്പെട്ട ജീവിതം നമുക്ക് ഈ ഭൂമിയിൽ സാധ്യമാകുന്നു. നമ്മെ നിത്യജീവന് അവകാശിയാക്കുന്നു.

ഭൗതികരാജ്യമല്ല, ദൈവരാജ്യനുഭവം ലഭ്യമാകുന്നു. 

യേശുക്രിസ്തു "തന്നെ അനുസരിക്കുന്ന എല്ലാവർക്കും നിത്യരക്ഷയുടെ കാരണഭൂതനാണ്" (എബ്രാ 5:9). ഒരുവൻ ഹൃദയത്തിൽ നിന്ന് മനസ്സോടെ യേശുവിനെ അനുസരിക്കാൻ തയ്യാറാകുമ്പോൾ പാപത്തിൽ നിന്നുള്ള മോചനം ലഭിക്കും (റോ 6:17-18).

അതിനു 

ഒന്നാമതായി നിങ്ങളുടെ പാപങ്ങൾക്കുവേണ്ടി മരിച്ച ദൈവപുത്രനായ യേശുക്രിസ്തുവിൽ വിശ്വസിക്കുക(യോഹന്നാൻ 3:16).

രണ്ടു, നിങ്ങളുടെ പാപങ്ങളെക്കുറിച്ച് അനുതപിക്കുക, ഇനി പാപത്തിൽ ജീവിക്കുകയല്ല, ദൈവത്തിനായി ജീവിക്കാൻ തീരുമാനിക്കുക (പ്രവ 17:30; 2കൊരി 7:9-11).

തുടർന്ന്  ക്രിസ്തുവിനോടു ചേരുവാനായി സ്നാനപ്പെടുക(മർക്കൊ 16:15-16; പ്രവ 2:38; 8:35-38; 22:16) മരണം വരെ യേശുവിനോട് വിശ്വസ്തനായി നിലകൊള്ളുക (എബ്രാ 3:12-14; വെളി 2:10).

താങ്കൾക്കും ഈ സൌഭാഗ്യപദവിയിലേക്കു സ്വാഗതം. ഇപ്രകാരമൊന്നു ഹൃദയപൂർവ്വം പ്രാർത്ഥിക്കാമോ.. “കർത്താവായ യേശുവേ ഞാൻ ഒരു പാപിയാണെന്നു സമ്മതിക്കുന്നു. അങ്ങെനിക്കായ് ക്രൂശിൽമരിച്ചു പാപപരിഹാരം വരുത്തിയതിനാൽ നന്ദി. എന്റെ ഹൃദയത്തിലേക്കു ജീവിതത്തിന്റെ കർത്താവും രക്ഷിതവുമായി അങ്ങയെ സ്വീകരിക്കുന്നു.അങ്ങേയ്ക്കായി ജീവിക്കുവാൻ ഞാൻ തീരുമാനിക്കുന്നു. ആമ്മേൻ”.

തുടർന്നുള്ള ആത്മീയസഹായങ്ങൾക്കായി ഞങ്ങൾ സന്നദ്ധരാണ്.

കർത്താവു മേഘത്തിൽ വരുന്ന നാളുകൾ സമാഗതമായി. നമുക്കൊരുങ്ങാം.

ആവശ്യമെങ്കിൽ ഈ നമ്പറിൽ ബന്ധപെടുക : 944 799 2738

ബൈബിൾ റഫറൻസ് :

റോമർ 3:23, ഒരു വ്യത്യാസവുമില്ല; എല്ലാവരും പാപം ചെയ്തു ദൈവ തേജസ്സ് ഇല്ലാത്തവരായിത്തീർന്നു.

യാക്കോബ് 2:10, ഒരുത്തൻ ന്യായപ്രമാണം മുഴുവനും അനുസരിച്ചു നടന്നിട്ടും ഒന്നിൽ തെറ്റിയാൽ അവൻ സകലത്തിനും കുറ്റക്കാരനായിത്തീർന്നു.

യെശയ്യാവ് 59:2, നിങ്ങളുടെ അകൃത്യങ്ങൾ അത്രേ നിങ്ങളെയും നിങ്ങളുടെ ദൈവത്തെയും തമ്മിൽ ഭിന്നിപ്പിച്ചിരിക്കുന്നത്; നിങ്ങളുടെ പാപങ്ങൾ അത്രേ അവൻ കേൾക്കാതവണ്ണം അവന്റെ മുഖത്തെ നിങ്ങൾക്കു മറയ്ക്കുമാറാക്കിയത്.

റോമർ 6:23, പാപത്തിന്റെ ശമ്പളം മരണമത്രേ; ദൈവത്തിന്റെ കൃപാവരമോ നമ്മുടെ കർത്താവായ യേശുക്രിസ്തുവിൽ നിത്യജീവൻതന്നെ.

വെളിപ്പാട് 21:8, എന്നാൽ ഭീരുക്കൾ✽, അവിശ്വാസികൾ, അറയ്ക്കപ്പെട്ടവർ, കൊലപാതകന്മാർ, ദുർന്നടപ്പുകാർ✽, ക്ഷുദ്രക്കാർ✽, ബിംബാരാധികൾ✽ എന്നിവർക്കും ഭോഷ്കു പറയുന്ന ഏവർക്കുമുള്ള✽ ഓഹരി തീയും✽ ഗന്ധകവും കത്തുന്ന പൊയ്കയിലത്രേ; അതു രണ്ടാമത്തെ മരണം.

പ്രവർത്തികൾ 10:2, അവൻ ഭക്തനും തന്റെ സകല ഗൃഹത്തോടുംകൂടെ ദൈവത്തെ ഭയപ്പെടുന്നവനുമായി ജനത്തിനു വളരെ ധർമം കൊടുത്തും എപ്പോഴും ദൈവത്തോടു പ്രാർത്ഥിച്ചും പോന്നു.

പ്രവർത്തികൾ 11:14, നീയും നിന്റെ ഗൃഹം മുഴുവനും രക്ഷിക്കപ്പെടുവാനുള്ള വാക്കുകളെ അവൻ നിന്നോടു സംസാരിക്കും എന്ന് ദൂതൻ പറഞ്ഞു എന്നും ഞങ്ങളോട് അറിയിച്ചു.

പ്രവർത്തികൾ 2:36-41,  ആകയാൽ നിങ്ങൾ ക്രൂശിച്ച ഈ യേശുവിനെ തന്നെ ദൈവം കർത്താവും ക്രിസ്തുവുമാക്കിവച്ചു എന്നു യിസ്രായേൽഗൃഹമൊക്കെയും നിശ്ചയമായി അറിഞ്ഞുകൊള്ളട്ടെ. ഇതു കേട്ടിട്ട് അവർ ഹൃദയത്തിൽ കുത്തുകൊണ്ടു പത്രൊസിനോടും ശേഷം അപ്പൊസ്തലന്മാരോടും: സഹോദരന്മാരായ പുരുഷന്മാരേ, ഞങ്ങൾ എന്തു ചെയ്യേണ്ടൂ എന്നു ചോദിച്ചു.പത്രൊസ് അവരോട്: നിങ്ങൾ മാനസാന്തരപ്പെട്ടു നിങ്ങളുടെ പാപങ്ങളുടെ മോചനത്തിനായി ഓരോരുത്തൻ യേശുക്രിസ്തുവിന്റെ നാമത്തിൽ സ്നാനം ഏല്പിൻ; എന്നാൽ പരിശുദ്ധാത്മാവ് എന്ന ദാനം ലഭിക്കും.വാഗ്ദത്തം നിങ്ങൾക്കും നിങ്ങളുടെ മക്കൾക്കും നമ്മുടെ ദൈവമായ കർത്താവ് വിളിച്ചു വരുത്തുന്ന ദൂരസ്ഥന്മാരായ ഏവർക്കും ഉള്ളതല്ലോ എന്നു പറഞ്ഞു. മറ്റു പല വാക്കുകളാലും അവൻ സാക്ഷ്യംപറഞ്ഞ് അവരെ പ്രബോധിപ്പിച്ചു; ഈ വക്രതയുള്ള തലമുറയിൽനിന്നു രക്ഷിക്കപ്പെടുവിൻ എന്നു പറഞ്ഞു. അവന്റെ വാക്ക് കൈക്കൊണ്ടവർ സ്നാനം ഏറ്റു; അന്നു മൂവായിരത്തോളം പേർ അവരോടു ചേർന്നു.

യോഹന്നാൻ 3:16,  തന്റെ ഏകജാതനായ പുത്രനിൽ വിശ്വസിക്കുന്ന ഏവനും നശിച്ചുപോകാതെ നിത്യജീവൻ പ്രാപിക്കേണ്ടതിന് ദൈവം അവനെ നല്കുവാൻ തക്കവണ്ണം ലോകത്തെ സ്നേഹിച്ചു.

1 യോഹന്നാൻ 4:9,  ദൈവം തന്റെ ഏകജാതനായ പുത്രനെ നാം അവനാൽ ജീവിക്കേണ്ടതിനു ലോകത്തിലേക്ക് അയച്ചു എന്നുള്ളതിനാൽ ദൈവത്തിനു നമ്മോടുള്ള സ്നേഹം പ്രത്യക്ഷമായി.

1 യോഹന്നാൻ 4:10,  നാം ദൈവത്തെ സ്നേഹിച്ചതല്ല, അവൻ നമ്മെ സ്നേഹിച്ചു തന്റെ പുത്രനെ നമ്മുടെ പാപങ്ങൾക്കു പ്രായശ്ചിത്തം✽ ആകുവാൻ അയച്ചതുതന്നെ സാക്ഷാൽ സ്നേഹം ആകുന്നു.

യോഹന്നാൻ 1:29,  യേശു തന്റെ അടുക്കൽ വരുന്നത് അവൻ കണ്ടിട്ട്: ഇതാ, ലോകത്തിന്റെ പാപം ചുമക്കുന്ന ദൈവത്തിന്റെ കുഞ്ഞാട്.

എബ്രയർ 5:9,  തികഞ്ഞവനായി തന്നെ അനുസരിക്കുന്ന ഏവർക്കും നിത്യരക്ഷയുടെ കാരണഭൂതനായിത്തീർന്നു.

റോമർ 6:17-18,  എന്നാൽ നിങ്ങൾ പാപത്തിന്റെ ദാസന്മാർ ആയിരുന്നുവെങ്കിലും നിങ്ങളെ പഠിപ്പിച്ച ഉപദേശരൂപത്തെ ഹൃദയപൂർവം അനുസരിച്ച് പാപത്തിൽനിന്നു സ്വാതന്ത്ര്യം ലഭിച്ചു നീതിക്കു ദാസന്മാരായിത്തീർന്നതുകൊണ്ട് ദൈവത്തിനു സ്തോത്രം.

പ്രവർത്തികൾ 17:30,  എന്നാൽ അറിയായ്മയുടെ കാലങ്ങളെ ദൈവം ലക്ഷ്യമാക്കാതെ ഇപ്പോൾ എല്ലായിടത്തും എല്ലാവരും മാനസാന്തരപ്പെടേണമെന്നു✽ മനുഷ്യരോടു കല്പിക്കുന്നു.

2 കൊരിന്ത്യൻസ് 7:9-11,  നിങ്ങൾ ദുഃഖിച്ചതിനാലല്ല, മാനസാന്തരത്തിനായി ദുഃഖിച്ചതിനാൽ അത്രേ. നിങ്ങൾക്കു ഞങ്ങളാൽ ഒന്നിലും ചേതം വരാതവണ്ണം ദൈവഹിതപ്രകാരമല്ലോ നിങ്ങൾ ദുഃഖിച്ചത്. ദൈവഹിതപ്രകാരമുള്ള ദുഃഖം അനുതാപം വരാത്ത മാനസാന്തരത്തെ രക്ഷയ്ക്കായി ഉളവാക്കുന്നു; ലോകത്തിന്റെ ദുഃഖമോ മരണത്തെ ഉളവാക്കുന്നു. ദൈവഹിതപ്രകാരം നിങ്ങൾക്കുണ്ടായ ഈ ദുഃഖം എത്ര ഉത്സാഹം, എത്ര പ്രതിവാദം, എത്ര നീരസം, എത്ര ഭയം, എത്ര വാഞ്ഛ, എത്ര എരിവ്, എത്ര പ്രതികാരം നിങ്ങളിൽ ജനിപ്പിച്ചു; ഈ കാര്യത്തിൽ നിങ്ങൾ നിർമ്മലന്മാർ എന്ന് എല്ലാവിധത്തിലും കാണിച്ചിരിക്കുന്നു.

മാർക്കൊസ് 16:15-16,  പിന്നെ അവൻ അവരോട്: “നിങ്ങൾ ഭൂലോകത്തിൽ ഒക്കെയും പോയി സകല സൃഷ്ടിയോടും സുവിശേഷം പ്രസംഗിപ്പിൻ. വിശ്വസിക്കയും സ്നാനം ഏല്ക്കയും ചെയ്യുന്നവൻ രക്ഷിക്കപ്പെടും; വിശ്വസിക്കാത്തവൻ ശിക്ഷാവിധിയിൽ അകപ്പെടും.

പ്രവർത്തികൾ 2:38,  പത്രൊസ് അവരോട്: നിങ്ങൾ മാനസാന്തരപ്പെട്ടു നിങ്ങളുടെ പാപങ്ങളുടെ മോചനത്തിനായി ഓരോരുത്തൻ യേശുക്രിസ്തുവിന്റെ നാമത്തിൽ സ്നാനം ഏല്പിൻ; എന്നാൽ പരിശുദ്ധാത്മാവ് എന്ന ദാനം ലഭിക്കും.

പ്രവർത്തികൾ 22:16,  ഇനി താമസിക്കുന്നത് എന്ത്? എഴുന്നേറ്റ് അവന്റെ നാമം വിളിച്ച് പ്രാർത്ഥിച്ച് സ്നാനമേറ്റ് നിന്റെ പാപങ്ങളെ കഴുകിക്കളക എന്നു പറഞ്ഞു.

പ്രവർത്തികൾ 8:35-38,  ഫിലിപ്പൊസ് ഈ തിരുവെഴുത്ത് ആധാരമാക്കി അവനോട് യേശുവിനെക്കുറിച്ചുള്ള സുവിശേഷം അറിയിപ്പാൻതുടങ്ങി. അവർ ഇങ്ങനെ വഴിപോകയിൽ വെള്ളമുള്ളൊരു സ്ഥലത്ത് എത്തിയപ്പോൾ ഷണ്ഡൻ: ഇതാ വെള്ളം; ഞാൻ സ്നാനം ഏല്ക്കുന്നതിന് എന്തു വിരോധം എന്നു പറഞ്ഞു. അതിനു ഫിലിപ്പൊസ്: നീ പൂർണഹൃദയത്തോടെ വിശ്വസിക്കുന്നു എങ്കിൽ ആകാം എന്നു പറഞ്ഞു. യേശുക്രിസ്തു ദൈവപുത്രൻ എന്ന് ഞാൻ വിശ്വസിക്കുന്നു എന്ന് അവൻ ഉത്തരം പറഞ്ഞു.അങ്ങനെ അവൻ തേർ നിർത്തുവാൻ കല്പിച്ചു.; ഫിലിപ്പൊസും ഷണ്ഡനും ഇരുവരും വെള്ളത്തിൽ ഇറങ്ങി, അവൻ അവനെ സ്നാനം കഴിപ്പിച്ചു.

എബ്രായർ 3:12-14,  സഹോദരന്മാരേ, ജീവനുള്ള ദൈവത്തെ ത്യജിച്ചുകളയാതിരിക്കേണ്ടതിന് അവിശ്വാസമുള്ള ദുഷ്ടഹൃദയം നിങ്ങളിൽ ആർക്കും ഉണ്ടാകാതിരിപ്പാൻ നോക്കുവിൻ. നിങ്ങൾ ആരും പാപത്തിന്റെ ചതിയാൽ കഠിനപ്പെടാതിരിക്കേണ്ടതിന് “ഇന്ന്” എന്നു പറയുന്നേടത്തോളം നാൾതോറും അന്യോന്യം പ്രബോധിപ്പിച്ചുകൊൾവിൻ. ആദ്യ വിശ്വാസം അവസാനത്തോളം മുറുകെപ്പിടിച്ചുകൊണ്ടാൽ നാം ക്രിസ്തുവിൽ പങ്കാളികളായിത്തീർന്നിരിക്കുന്നുവല്ലോ

വെളിപ്പാട് 2:10,  നീ സഹിപ്പാനുള്ളത് പേടിക്കേണ്ടാ; നിങ്ങളെ പരീക്ഷിക്കേണ്ടതിനു പിശാചു നിങ്ങളിൽ ചിലരെ തടവിൽ ആക്കുവാൻ പോകുന്നു; പത്തു ദിവസം നിങ്ങൾക്ക് ഉപദ്രവം ഉണ്ടാകും; മരണപര്യന്തം വിശ്വസ്തനായിരിക്ക; എന്നാൽ ഞാൻ ജീവകിരീടം നിനക്കു തരും.